मिति २०८०/०१/०९ गते देखी २०८०/०१/१८ गते सम्म संचालन भएको छैठौँ गोलबजार मेयर गोल्ड कप समुद्घाटन कार्यक्रमको प्रमुख अतिथि पूर्व मन्त्री तथा हाल सिरहा क्षेत्र नं. ३ को प्रतिनिधि सभा सदस्य माननीय श्री लिलानाथ श्रेष्ठज्यू र विशिष्ट अतिथि सिरहा क्षेत्र नं. ३(क) का प्रदेश सांसद श्री मनोज कुमार सिंहज्यूको उपस्थिति रहेको थियो ।  गोलबजार नगरपालिकाको नगर प्रमुख श्री श्याम कुमार श्रेष्ठज्यूको अध्यक्षतामा कार्यक्रम संचालन भएको थियो । आयोजक तर्फबाट प्रमुख प्रशासकीय अधिकृत अनन्त कुमार पौड्यालज्यूको उपस्थिति थियो  । अतिथिहरुमा प्रमुख जिल्ला अधिकारी, जिल्ला प्रहरी प्रमुख र सशस्त्र प्रहरी प्रमुखको समेत उपस्थिति रहेको थियो । सो मेयर गोल्ड कपमा मकवानपुर ११ हेटौडा प्रथम र सलहेश युवा क्लव सिरहा दोस्रो भएको थियो ।