मिति २०७९ चैत्र ८ गते नगरपालिकाको आयोजनामा सन्चालित सामुदायिक विद्यालयको शैक्षिक गुणस्तर सुधार अभियान सम्बन्धी  कार्यक्रममा भएको  छलफल तथा अन्तरक्रियापछि निम्नानुसारका निर्णयहरु गरियो :
क) बालविकास केन्द्रदेखि कक्षा ३ सम्मको शिक्षा छुट्टै ब्लकमा व्यवस्थित गर्ने ।

(ख) विद्यालयको सेवा क्षेत्रभित्रका प्रत्येक टोलमा आमा समूहको गठन गरी बालबालिकाको सर्वाङ्गीण विकासमा परिचालन गर्ने ।

(ग) शिक्षकहरूको पेशागत विकासको लागि उत्प्रेरक तालिम (Motivational Training) सेमिनार, गोष्ठी आदि संचालन गर्ने ।

(घ) प्रविधिको उच्चतम प्रयोग तथा प्राविधिक जनशक्ति उत्पादनमा जोड दिने ।  

(ङ) शिक्षकहरूका ट्रेंड युनियनहरु र विद्यार्थी संघ संगठनहरुले शैक्षिक गुणस्तर सुधारका कार्यक्रम संचालन गर्ने/गर्न लगाउने ।

(च) प्रभावकारी अनुगमन, मूल्यांकन, नियमन तथा पृष्ठपोषण गर्नदिने ।

(छ) विद्यालयमा मनोसामाजिक परामर्श सेवाको व्यवस्था गर्ने ।

(ज) नगरपालिकाले वार्षिक वजेटको कम्तिमा २०% रकम शिक्षामा लगानी गर्ने ।

(झ) विद्यालय शिक्षालाई कानूनी रुपमै स्पष्ट र विशेष व्यवस्था गरी सुशासन, पारदर्शीता र सकारात्मक सोचको प्रवाह गर्ने मुल थलो बनाउने ।

(ञ) विद्यालयमा शैक्षिक सामग्री बैंक तथा प्रयोगशाला स्थापना गर्ने ।

(ट) विषयगत समस्या समाधानका लागि विद्यालयमा विषयगत समिति गठन गरी व्यवस्थित गर्ने ।

(ठ) सिकाइ उपलब्धि कम्तिमा ७० प्रतिशत पुर्‍याउने तत्कालिन लक्ष्य निर्धारण गर्ने ।

(ड) प्राविधिक शिक्षाको पहुँच विस्तार गर्ने ।

(ढ) निश्चित स्थानहरुमा बाल उद्यान केन्द्रहरू निर्माण गर्ने ।

(ण) नमूना विद्यालयहरू निर्माण गर्ने ।

(त) योग्य र उत्कृष्ठलाई शिक्षकमा नियुक्ति गर्ने ।

(थ) वार्षिक रुपमा/शैक्षिकसत्रको अन्त्यमा ३ (तीन) उत्कृष्ट प्रधानाध्यापन र ३ (तीन) उत्कृष्ट शिक्षकहरुलाई कार्यविधि बमोजिम पुरष्कृत गर्ने ।

(द) विद्यालय व्यवस्थापन समिति गठन गर्न बाँकी रहेका विद्यालयहरुले यथासीघ्र वि.व्य.स. गठन गर्ने/गराउने ।